Туронбанк ходимлари Малайзияда малака оширишмоқда!
Персоналнинг шахсий ривожланиши учун доимий инвестиция киритиб келаётган Туронбанк бу сафарги “Training courses” дастури учун Малайзия давлатини танлади. Унда банкирлар Ислом молияси ва ислом молиялаштирилиши йўлга қўйилган тижорат банклари тажрибаси билан яқиндан танишишни мақсад қилишган.
“Utara university of Malaysia” билан ҳамкорликда ташкил этилган 10 кунлик “Experience sharing program”да ходимлар халқаро тоифадаги тажрибали менторлардан ислом молияси ва унинг ўзига хос жиҳатларини ўрганишмоқда. Шунингдек, дастур доирасида “Bank Islam Malaysia” ташриф буюриб, бевосита фаолият билан жонли танишиш ҳам белгиланган.
Маълумот учун: Бугунги кунда Малайзия давлатида 26 та молия муассасаси фаолият юритаётган бўлиб, шундан 17 тасида ислом банкчилиги йўлга қўйилган. Хусусан, уларнинг 6 таси анъанавий банклардан фарқли равишда тўлиқ исломий банк сифатида фаолият юритса, қолган 11 таси исломий молиялаштириш дарчасини жорий қилган.
Хабарингиз бор, бир неча йиллардан буён айни йўналишда Туронбанк “Хусусий тармоқни ривожлантириш бўйича Ислом корпорацияси” билан ҳамкорлик қилиб келади ва бир қатор шартномалар ҳам имзолаган.