8 Feb 2024 - 8 Feb 2025
G‘azal mulkining sultoni Alisher Navoiy tavalludining 583-yilli hamda shoh va shoir Zahiriddin Muhammad Bobur tavalludining 541-yilligi munosabati bilan “Turonbank” ATBda ma’naviy-ma'rifiy tadbir tashkil etildi.
Buyuk mutafakkir Alisher Navoiy obrazini sahnada gavdalantirgan Muqimiy nomidagi O‘zbekiston davlat musiqali teatri aktyori Azizxon Latipov Turonbank xodimlari uchun “Layli va Majnun” spektaklidan Alisher Navoiy monologini taqdim etdi.
Alisher Navoiy nomidagi Davlat adabiyoti muzeyi direktori o‘rinbosari filologiya fanlari nomzodi, dotsent Otabek Jo‘raboyev hamda mazkur muzeyning mas’ul xodimi Abdurasul Eshonboboyevlar Zahiriddin Muhammad Bobur hamda Alisher Navoiyning hayoti va ijodi bilan bog‘liq qiziqarli ma’lumotlar borasida so‘z yuritishdi.
Tadbir davomida Alisher Navoiy hamda Zahiriddin Muhammad hayoti va ijodi bilan bog‘liq savollardan iborat viktorina ham tashkil etildi, viktorina g‘oliblari esdalik sovg‘alar bilan taqdirlandi.
