Аyni vaqtda mamlakatimizda faqatgina “Oltiariq”, “Fargʼona” hamda “Buxoro” da neftni qayta ishlash zavodlari faoliyat olib bormoqda. Аmmo Davlatimiz rahbarining tashabbuslari bilan mazkur yoʼnalishda oʼz biznesini yoʼlga qoʼyish istagida boʼlgan ishbilarmonlar uchun ham imkoniyat yaratilmoqda. Xusuan, Samarqand viloyatining Jomboy tumanidagi 12 gektar maydonda neftni qayta ishlash loyihasini amalga oshirgan “Moxsar” Oʼzbekiston – Koreya qoʼshma korxonasi fikrimizning yaqqol tasdigʼidir.

“Gastro Ekspert” bu Samarqand shahrida 10 yillik tajribaga ega “Shashlikuz Group” kompaniyasining eksklyuziv loyihasidir. Yaʼni, restoratorlik va xizmat koʼrsatish yoʼnalishida kadrlar tayyorlashning zamonaviy va noodatiy uslubini yoʼlga qoʼygan akademiya. Mazkur monomarkaz restoran va mehmonxona ishi shuningdek servis sohasiga qiziqishi boʼlgan oʼgʼil – qizlarni yetuk mutaxassis sifatida kasbiy tayyorlash imkoniyatini beradi.

«Genotexnologiya» klinik laboratoriyasi 2015 yilda faoliyat boshlagan boʼlib, Oʼzbekistonda birinchilardan amaliy tibbiyotda yuqori texnologiyali molekulyar genetik yondashuvlarni ishlab chiqib, joriy etgan brend hisoblanadi. Klinikada xromosoma, irsiy genetik va onkogematolik kasalliklar, trombofiliya bilan ogʼrigan bemorlarga tashxis qoʼyililadi. Shuningdek, keng koʼlamli molekulyar genetik, sitogenetik va klinik qon tekshiruvlari amalga oshiriladi.

Turonbank bilan hamkorlikda faoliyat boshlangan yirik brendlar haqida soʼz ketganda, xalqimizga “Sirdaryo kafel” nomi bilan yaxshi tanish boʼlgan, Sirdaryo viloyati Sirdaryo tumanidagi 100 gektar maydonda joylashgan “Peng - Sheng” Oʼzbekiston – Xitoy qoʼshma korxonasini keltirishimiz mumkin. “Turonbank” aktsiyadorlik tijorat bank bilan hamkorlik Yevropa davlatlari va Xitoydan eng soʼnggi rusumdagi texnologiyalarning olib kelinishi natijasida bugungi kunga kelib “Peng - Sheng” brendi ostidagi loyihalar soni 15 taga yetdi. Investitsiya hajmi esa 100 mln. АQSh dollaridan oshdi.