Xodimlarning bilimlari yana-da yuksaltirish va ularning g‘oya-tashabbuslarini amalga oshirish maqsadida tashkil etilayotgan seminar-treninglarning navbatdagisiga Samarqand BXM mezbonlik qildi.
O‘quv-seminar davomida nafaqat qiziqarli ma’ruzalar balki amaliy mashg‘ulotlar ham o‘tkazildi.
Ishtirokchilar O‘zbekiston bank tizimiga oid qonunchilik hujjatlari va ularga kiritilayotgan o‘zgartirish hamda qo‘shimchalar, Etika va xizmat ko‘rsatish standartlari, Colvir avtomatlashtirilgan bank tizimida ishlash, yangi bank mahsulotlarini ishlab chiqish va ularni zamon talablaridan kelib chiqqan holda sotish, shu bilan birga taym-menejment, stress holatlarda qanday yo‘l tutish va undan oson chiqib ketish singari bilimlarga ega bo‘lib, yangi ko‘nikmalarga ega bo‘lishdi.
Bundan tashqari, bank faoliyatini yana-da takomillashtirish borasida ham Samarqand BXM xodimlari o‘zlarining g‘oya va tashabbuslarini ilgari surishdi.
Seminar yakunida xodimlarning bilimlari maxsus testlar orqali sinovdan o‘tkazildi.
Eslatib o‘tamiz, bu kabi o‘quv seminarlar “Turonbank” ATBning butun respublika bo‘ylab joylashgan barcha Bank xizmatlari markazlari va Bank xizmatlari ofislari xodimlari uchun tashkil etib kelinmoqda.
7 Nov 2023 - 8 Nov 2023
