Yangi g‘oyalarni ilgari surish, o‘z bilim va ko‘nikmalarini oshirish navbati Qarshi Bank xizmatlari markazi xodimlariga yetib keldi.
Zamonaviy bank tizimi talablariga javob beradigan bilimga ega ekspertlar Qarshi bank xizmatlari markazi xodimlari uchun o‘tkazilgan o‘quv seminarda o‘z bilimlari bilan bo‘lishdi. Turonbankda menejmentni rivojlantirishga qaratilgan seminar davomida O‘zbekistonda bank tizimiga oid qonunchilik hujjatlari, “COLVIR” avtomatlashtirilgan bank tizimida ish yuritish va amaliyotda yuzaga kelayotgan jarayonlar, zamonaviy bank xizmatlarini ishlab chiqish va ularni sotish bo‘yicha bozor tamoyillari, etika qoidalari va xizmat ko‘rsatish standartlari, shu bilan birga stress holatlarga bardoshlilikni oshirish hamda taym-menejment singari mavzularida qiziqarli ma’ruzalar va amaliy mashg‘ulotlar o‘tkazildi.
Seminar yakunida Qarshi bank xizmatlari markazi xodimlari maxsus test sinovlari orqali yangi bilimlarini mustahkamlab olishdi.
