“Turonbank” ATBda “O‘zbekiston — 2030” strategiyasining mazmun-mohiyatiga bag‘ishlangan uchrashuv tashkil etildi
Unda Turonbankning joylardagi barcha Bank xizmatlari markazlari xodimlari onlayn tarzda ishtirok etdi.
Tadbirga taklif etilgan “Taraqqiyot strategiyasi” markazi ijrochi direktori Eldor Tulyakov 5 ta ustuvor yo‘nalish hamda 100 ta maqsaddan iborat “O‘zbekiston — 2030” strategiyasi va mazkur strategik hujjatni tasdiqlashga oid Prezident farmoni haqida batafsil ma’lumotlarni taqdim etdi.
Shu bilan birga Eldor Tulyakov “O‘zbekiston — 2030” strategiyasining har bir ustuvor yo‘nalishiga alohida to‘xtalib o‘tib, bu bo‘yicha belgilangan maqsadlar, ularni samarali amalga oshirish ko‘rsatkichlari hamda aynan iqtisod va moliya yo‘nalishlari hamda tadbirkorlarlik faoliyatlari bilan bog‘liq belgilangan vazifalarni qatnashuvchilarga tushuntirib berdi.
Strategiyada bank tizimida islohotlarni jadallashtirish, bank xizmatlari bozori hajmini oshirish va sohada raqobatni rivojlantirish maqsadida bir qator, xususan, bank va moliya tizimida yillik kreditlash hamda bank omonatlari hajmini oshirish, shu bilan birga banklarni xususiylashtirish bilan bir qatorda bozorga yirik nufuzli chet el banklarini jalb qilish singari vazifalar belgilangan.
O‘z navbatida xodimlar ishtirokida muhokamalar ham bo‘lib o‘tdi va har bir savolga alohida to‘xtalib o‘tilib ularga batafsil javob berildi.
Uchrashuv so‘nggida esa O‘zbekiston-2030 Strategiyasini amalga oshirish va uning maqsadli ko‘rsatkichlariga erishish yo‘lida “Turonbank” ATB o‘zining munosib hissasini qo‘shishi hamda bu borada amalga oshirilishi lozim bo‘lgan vazifalar belgilab olindi.
Yana ko‘ring
Turonbankda kitob yarmarkasi!
Turonbankda bayram kayfiyati!
