Xizmat ko‘rsatish sifatini yanada yaxshilash va zamon talabiga mos mehnat muhitini yaratish maqsadida “Turonbank” ATB xodimlari uchun doimiy o‘quv treninglarni tashkil etish an’anaga aylangan.
Navbatdagi seminar trening Yashnobod Bank xizmatlari markazi xodimlari uchun tashkil etildi.
Seminarda, Xalqaro moliya korporatsiyasi bilan hamkorlikda Turonbankda amalga oshirilayotgan transformatsiya jarayonlari haqida so‘z yuritilib, uning bank mahsulotlari, xizmat ko’rsatish sifati va umumiy bank faoliyatiga ta’siri batafsil ko’rib chiqildi.
Seminar davomida shuningdek, zamonaviy bank mahsulotlarini ishlab chiqish va ularni sotishning qulay hamda manfaatlari usullari, etika qoidalari va korporativ madaniyat singari mavzular haqida so‘z yuritildi. Bundan tashqari bank xizmatlari markazlari va bank xizmatlari ofislariga yuklatilgan vazifalarga ham alohida to’xtalib o’tildi.
Eslatib o‘tamiz mazkur o‘quv treninglar har bir Bank xizmatlari markazlari uchun o‘tkaziladi.
